تحتاج البشرة لعناية كبيرة حتّى لا تتعب وتبهت

عايزة ريحتك تبقى فواحة في اي مكان تمشي فيه في الشقة طبعا

اوﻻ جسمك

ﻻزم وﻻبد من الشاور اليومي وفي الحر الشديد مرتين في اليوم
في بنات كتير بتستخدم برفان على مزيل للعرق والجسم اصﻻ مش نضيف

البرفان والحاجات دي بتختلط بريحة الجسم وبتعمل ريحة غير مستحبة في اﻻخر

يبقى اول حاجة الشاور ولو الخطوة دي ما تمت يبقى صعب تنفذي الخطوات اللي بعدها

من الحاجات الجميلة اوي انك تستخدمي شاور جيل ريحته فواحة زي لوكس

في حاجة نسيت اقولها انك ﻻزم تعملي ازالة شعر باستمرار بأي وسيلة ترتاحي فيها لكن ﻻزم يزال ﻻن وجود الشعر في الجسم بيسبب روايح كريهه

بعد الشاور بتاعك ﻻبد من تجفيف كويس جدا وخصوصا اﻻماكن اللي فيها تنيات او اﻻماكن الداخلية اللي بتكون مكتومة على طول في المﻻبس

زي تحت الثديين وبين اﻻرداف والمنطقة الحساسة ﻻزم تكون المناطق دي مجففه جدا ﻻن الرطوبة بتسبب فطريات وبتفضل الريحة الكريهه مﻻزماكي مهما عملتي

منطقة مهمة جدا خدي بالك منها هي منطقة خلف اﻻذنين متنسيهاش وانتي بتغسلي وشك ﻻنها مكان لتجمع روائح كريهه

وشيلي الحلق بتاعك كل اسبوع نضفيه والبسيه تاني

نيجي بقى للتعطير

اوﻻ عشان نعطر ﻻزم عندنا حاجتين
1-قاعده كريمية او زيتية
2-العطر المستخدم

بالنسبة للقاعده الكريمية او الزيتيه
ممكن لوشن الجسم اللي انتي بترتاحيله
او
زيت بيبي جونسون
او
كريم للجسم زي كريم دوف


طيب الجزء التاني اللي هو العطر
هتروحي ﻻي محل من محﻻت تركيب العطور وتاخدي زيت خام للبرفان اللي انتي بتحبيه

انا جربت حاجات كتير واكتر حاجة عجبتني وفعﻻ ريحتها ثابته هو زيت المسك اﻻبيض المخلوط بالعنبر ريحته تحفه تحفه وبيقعد معاكي طول اليوم وحتى لو ما استحمتيش اليوم اللي بعده بتفضل ريحتك برضه مسك وعنبر ومتنسيش تعطري ورا ودنك

من الزيوت الرائعة اللي جربتها زيت الفانيﻻ او الفانيليا ريحته رقيقه جدا

هنعمل ايه


ازازة اللوشن او الكريم بتاعك هتضيفي عليه 6 مل من الزيت العطري يعني ازازتين تقريبا من البلية الصغيرة
او ازازة البلية الكبيرة

ملحوظة

الخلطة دي بتستخدميها لكامل الجسم ما عدا الوجه والمناطق الحساسة

نيجي للمناطق تحت اﻻبطين والمناطق الحساسة
طبعا ﻻن دي مناطق معرضة للاسمرار بنستخدم مكونات مختلفة شوية
القاعده الكريمية عندي بتكون
سودو كريم
او
زنك اوليف
او بيبي كريم
وده ﻻن المناطق دي معرضة للاحتكاك الدائم فالكريمات دي بتقلل الالتهابات وهي بتستخدم للبيبيهات فهي خفيفه وامنه جدا

والعطر اللي هنضيفه عليها هو ..

..

..

زيت الورد

ايوة زيت الورد اللي اثبت جدارته بين كل المنتجات للتفتيح الفعال للمناطق الحساسة

باﻻضافة لكده فانك ممكن تستخدمي الخليط ده كمزيل للعرق يبقى انتي كده عملتي مزيل عرق وتفتيح للاماكن وتعطير يعني 3في 1

ملحوظة هامه للمنطقة الحساسة

ﻻزم تغيري اﻻندر كل 4 ساعات او لو بتستخدمي الفوط اليومية تتغير كل 4 ساعات

نيجي لتعطير الشعر

انا شايفة ان كريم فاتيكا من الكريمات اللي بتدي ريحة حلوة اوي للشعر
بس لو عايزة ريحة قوية وثابته زوي على الكريم زيت جوز الهند الخام او زيت الفانيﻻ بتفضل الريحة في شهرك يومين تﻻته كمان

مﻻبسك يا فتوكة

اوﻻ ﻻزم تعملي مﻻبس لتنضيف البيت والمطبخ واول ما تخلصي اخدي الدش بتاعك وتغيريها فورا

مﻻبسك استخدمي البرفان اللي ترتاحي فيها
مﻻبسك الداخلية اغسليها بشاور جل او شامبو بتفضل ريحتها فيها
اول ما تنشف وانتي بتطبقيها وتدخليها الدوﻻب رشي عليها بارفان واقفلي عليها الدوﻻب كويس هتبقي عطرتي مﻻبسك وعطرتي الدوﻻب

متنسيش تعطير فمك
ومعطرات الفم موجوده بكل مكان
خلي دايما معاكي هولز نعناع او كلورتس نعناع

وخليكي فاكرة ان ريحة جسمك تنبع من اكلك

المشروبات زي النعناع والينسون والشاي اﻻخضر بتلي ريحة جسمك حلوة

المشروبات اللي زي الحلبة بتخلي جسمك ليه ريحة كريهه شوية

Posted in: العناية بالبشرة